Rusiyanın xarici işlər naziri Sergey Lavrov BMT Təhlükəsizlik Şurasının iclasında iştirak etmək üçün Nyu-Yorka gedib.
Bu barədə Rusiya KİV məlumat yayıb.
Bildirilib ki, iclasda Yaxın Şərq və Ukraynadakı vəziyyət müzakirə olunacaq.
Qeyd edək ki, bir qədər əvvəl Rusiya Xarici İşlər Nazirliyinin mətbuat katibi Mariya Zaxarova Lavrovun 22-24 yanvar tarixləri ərzində Nyu-Yorka səfər edəcəyini və BMT Təhlükəsizlik Şurasının Yaxın Şərq üzrə debatlarında və Ukrayna ilə bağlı iclasında iştirak edəcəyini bildirib. Rusiya xarici işlər nazirinin, həmçinin, bir sıra ikitərəfli görüşlər keçirəcəyi də gözlənilir.
