Bu gün çağdaş Azərbaycan poeziyasının ən tanınmış nümayəndələrindən olan Salam Sarvanın doğum günüdür. Şairin 54 yaşı tamam olur. Salam Sarvan Azərbaycan ədəbiyyatında xüsusi dəst-xətti ilə seçilən şəxslərdəndir. O, Səməd Vurğun və Ramiz Rövşəndən sonra ən çox yaddaşlarda qalan şairdir.Salam bəyi təbrik edirik və onun, demək olar ki, hamının əzbər bildiyi "Bağışla, otağım tör-töküntüdür" şeirini təqdim edirik.Yuvam dimdiyimdə gəzirəm hələ…
Sənsiz yer də yoxdu, dərbədər mənə
Gəl e, gəl qırılıb qırağa düşmüş
o qol-budağımdan meyvə dər mənə.
Bilmirəm keçirim hansı halını –
Oynayım toyuna, batım yasına?..
Hər gün neçə məktub yazıb cırıram,
cırıb tullayıram… poçt qutusuna.
Gözləməkdən gözüm çuxura düşüb,
gör heç soruşursan, nə çöküntüdü?
Sənli xatirələr dağılıb evə –
bağışla, otağım tör-töküntüdü.
